فادية عبد الغني تكشف هذه الاسرار

حلت الفنانة الكبيرة فادية عبد الغني ضيفة على برنامج “كلام الناس” الذي تقدمه الإعلامية يسمين عز على قناة mbc مصر، حيث تحدثت عن أغرب الشائعات التي تعرضت لها، وكذلك عن حقيقة منع أولادها من التمثيل.

وأكدت فادية أنها لم تمنع أبناءها من دخول عالم التمثيل، قائلة: “عمري ما منعت ولادي إنهم يعملوا حاجة نفسهم فيها، بنتي عمرها ما فكرت تكون ممثلة، وولادي ملهمش في الحكاية دي مع إن إحساسهم حلو وينتقدوني، وسارة بنتي مثلت معايا وهي صغيرة عمرها سنة ونصف ومرة وهي عندها أربع سنين، وبعد كده الموضوع ما بقاش في دماغها.

وعن الشائعات التي أزعجتها ومنها حلاقة شعر ابنتها وفرض الحجاب عليها، قالت: “اتقال إني فرضت عليها الحجاب وحلقت لها شعرها علشان أمنعها من التمثيل، الناس دي بتعمل كده عشان تكسب من الكلام الفاضي والشائعات اللي ملهاش لازمة”.

وعن أغرب شائعة واجهتها قالت: “طلعت عليا شائعة إني مت من ناس محترمة، وعملوا ليا صوان وصوروا الفنانين اللي بيعزوا وأنا في بيتي كافية غيري شري بعديها بالصدفة تعبت وجالي كورونا وزعلت جدًا”.

وعن زواجها، قالت: “اتجوزت صغيرة، وأنا عندي 18 سنة، دلوقتي الموضوع اختلف لأن الحالة الاقتصادية اختلفت والشباب مش معاه الفلوس اللي تخليه يتجوز فالبنات يا حرام بيتجوزا متأخر، ولكن الجواز بدري بيخلي البني آدم يعجز بدري اللي إذا كانت الجوازة حلوة أوي”.

وعن مشوارها الفني، قالت فادية عبد الغني إنها لم تعتمد على أحد لتصل إلى مجدها، وأن زوجها السابق لم يكن سببًا في نجوميتها، مؤكدة: “زوجي أنتج لي فيلم واحد اسمه “إلحقونا”، وده كان الفيلم الوحيد، وعملنا مسرحية تليفزيونية لم يتم إذاعتها ولا أتذكر اسمها حتى”.

وتابعت: “أنا وقت ما أنتج لي زوجي كنت بالفعل شغالة، ونجمي كان عالي أوي، فكان دي حاجة مش جديدة علشان حد يقول زوجها اللي خلاها نجمة، لكن اللي بنشوفه دلوقتي واحدة أو واحد أيًا كان، بيبقى اسمها مكتوب بالرصاص وبعدين بيتعملها بروباجاندا جامدة جدًا، بيبقى الناس هنا بتقول طب ما هي لسة مبقتش ممثلة علشان تبقى في المكان ده، وبعدين الكلام بيكتر أن جوزها اللي عمل لها ده، لكن بالنسبة ليا أنا كنت نجمة من قبل ما ينتج لي زوجي”.

 

عن admin

شاهد أيضاً

رحمة رياض تعاني من ضيق تنفس

قالت النجمة العراقية رحمة رياض أنها عانت من الخوف والتوتر قبل حفلها في مهرجان قرطاج. …

اترك تعليقاً

لن يتم نشر عنوان بريدك الإلكتروني.