تامر حسني يعتذر

رد الفنان المصري تامر حسني على اتهام احد المعجبين به بتجاهله له خلال احيائه آخر حفلاته في مدينة العلمين.

وكتي المعحب منشورا مطولا على حسابه عبر فايسبوك عاتب فيه تامر على تصرفه معه مؤكدا ات وصوله الى الحفل لم يكن سهلا.

وكتب احمد حمادة (المعجب) في منشوره : “الناس كلها في حفلة تامر حسني، لما لقيتني بحاول أوصل له، شالوني وندهوا على تامر وقالوا له وما عبرش، أنا كنت بموت نفسي ربنا يعلم روحت إزاي؟ كنت بحاول الأخذ بكل الأسباب، الناس قالت لي كتير، روح له يمكن، اتبهدلت ولا استمتعت دقيقة، عشان كان نفسي في حاجة مش رايح حفلة، أنا رايح أحقق هدف ليا”.

تابع المعجب: “ومع ذلك نزلت صورة، لقيت اللي بيقولي معاك فلوس تروح حفلات والشباب مش لاقي، والله أنا رايح هدية، حتى السفر رايح جاي ربنا يعلم بتعب وبعافر على حلمي إزاي؟ مطلبتش مساعدة حد يبقي متكسروش فيا”.
من جهته، رد تامر على احمد مؤكدا انه لم يتعمد تجاهله بل لم يره بسبب الازدحام و ضيق المكان، فكتب: “يا حبيبي يا أحمد قرأت كلامك، مسمهاش معبرش، اسمها مشافش، أو ما أخدش باله في وسط الآلاف دي كلها، واللي متعرفوش بس إن شاء الله هتعرفه لما ربنا يكرمك وتنجح وتقف على مسرح، إن معظم الوقت النور بيبقى في وش المطرب، ممكن أكون باصص في اتجاهك بس مش شايف التفاصيل”.

تابع تامر حسني: “معبرش دي لما يكون في ميعاد مسبقاً بينا ومهتمش، ولازم أنت تعرف حاجة مهمة، حفلة الألبوم تحديداً بتبقى محسوبة بالثانية، عشان أغانيها كتير، ابعت لي صوتك اسمعه، وأكيد طالما أنت عندك كل الطاقة دي يبقى صوتك جميل”.

وختم: “ويا سيدي سهلة وملحوقة، وأوعى تزعل من اللي اتريقوا عليك، لأنهم سبب إن صوتك يوصل لي، عسى أن تكرهوا شيئا وهو خير لكم، انشف يا ولد يلا ابعتلي صوتك فورا”.

عن admin

شاهد أيضاً

جورج وسوف يغني لاول مرة على المسرح بحضور ابنته “عيون”

نشر المطرب ​جورج وسوف​ فيديو على صفحته الخاصة على موقع التواصل الاجتماعي من حفلته الاخيرة …

اترك تعليقاً

لن يتم نشر عنوان بريدك الإلكتروني.