أصالة توضح سبب صمتها

تمكنت النجمة السورية أصالة نصري من الردّ على الشائعات والانتقادات القاسية التي طاولتها في الفترة الأخيرة بهدوء وذكاء، وذلك في لقاء سريع على هامش حفلها الأخير في دبي، أجراه معها الإعلامي إيلي نخله في برنامج “the insider بالعربي”، حيث أكدت أنها فضّلت الصمت على الهجوم الأخير الذي تعرضت له وقالت بعفوية: “والله مرات ما بشوف، غالباً ما بشوف بتصدّق يا دوبك أركض بحالي وبولادي وبزوجي”.
وأضافت: “أوقات بقول لحالي عندن حق يزكزكوني لأن أنا كتار لي بحبوني كتير كتار يعني مرات بتعرف أنا بحط حالي مكان الآخر بقول يمكن لو كنت مكانن بعمل هيك مع حدا هلأد هيك محبوب مو أكتر”.
وعن علاقتها بالنجمة الإماراتية أحلام، نفت أصالة أن يكون هناك أي خلاف جديد بينهما، مؤكدةً: “بالعكس يعني نحنا أنا وأحلام أصحاب من صرلنا تقريباً قربوا على ترليون سنة منتخانق منتزاعل ومنتصالح ويمكن لأنو أنا بعبّر دايماً من دون حتى ما عبّر، عيوني بتعبّر بزعل هيك متل الأطفال بالمدرسة عادي”.

واختتمت أصالها كلامها بالقول: “أنا عايشة بهذا المجال ففي ناس بختلف معن وبتصالح معهم برجع عادي، الجمهور بحب هالشيء لأن منسلّيهم”.
وعن انشغالها عن عائلتها بسبب إقامتها في دبي وكثرة حفلاتها، قالت أصالة: “ما فيه عذاب، بعرف انه رغم حناني الشديد يعني انا بعتقد انه حتى الموسيقى هي ساعدت بإنو هذا الحنان يضلو متدفق ويضلو هيك اخضر بشكل غير طبيعي إنما بحس انو انا يلي عم بعملن ياه للولاد حتى وانا بعيدة عنن مهم كتير إلن مهم لذكرياتن مهم لحياتن لاني انا ما بعرف عيش بدون ما غني الغنا بالنسبة الي هو بالزبط مثابة الهوا فما بحس اني مذنبة لانو بحس انو عندي دور هو لي بخليني اخد هيك صمّد بتعرف كم العاطفة يعني الأمومة بالنسبة اللي مش وقت طويلة قضي مع ولادي أو قضي معاهم مناسبات معينة سواء كانت أعياد او اي مناسبة كانت الحنان ممكن هيك ينعطى بأوقات ممكن تكون قصيرة بس مكثف وإلو أهميته فأنا بعطيهم هاد للولاد”.

عن admin

شاهد أيضاً

هاني شاكر يحسم الموضوع

قدم الفنان المصري ​هاني شاكر​ استقالة مكتوبة من منصبه كنقيب للموسيقيين. وكشف هاني شاكر لصحيفة …

اترك تعليقاً

لن يتم نشر عنوان بريدك الإلكتروني.