هيفاء وهبي أنا مش بتاعت رومانسية

رفضت النجمة اللبنانية هيفاء وهبي وصف أغانيها بالرومانسية، رغم إعلانها قرب إطلاق أغنية جديدة ضمن أجواء الاحتفال بيوم الحب، وأكدت أن الأغنية الجديدة لا تجمعها بأي نجم آخر، واشارت إلى أنها استجابت لطلب جمهورها بضرورة طرح أعمال جديدة مع بداية العام 2022.

وأضافت هيفاء وهبي في حوار مع مع برنامج Top Trending: أستعد لطرح أغنية جديدة؛ لأن الجمهور ينتظر أعمال جديدة في 2022، وستكون أغنية من غنائي أنا فقط وليست دويتو مع فنان آخر.

وأبدت هيفاء دهشتها عند سؤالها “هل الأغنية رومانسية؟ وردت قائلة: أنا مش بتاعت رومانسية.. ومتحمسة جدا للأغنية ولا أستطيع الانتظار.

يذكر أن هيفاء وهبي تدخلت مؤخرا لدعم مطرب المهرجانات حمو بيكا، مطالبة نقابة المهن الموسيقية المصرية بحل مشكلته مع تصريح مزاولة مهنة الغناء، في أقرب وقت ممكن، وقالت هيفاء إنها لا تمانع في تقديم أغنية من كلمات بيكا.

ووجهت هيفاء وهبي رسالة مباشرة إلى حمو بيكا أثناء استضافته ببرنامج مصر جديدة الذي تقدمه المذيعة إنجي أنور: لا متركزش في الهجوم واعمل أغاني حلوة وافرضها والناس بتحب الحاجات الحلوة ومنك أنت بالتحديد، والناس بتنسى أي هجوم لما بتعملهم حاجة حلوة.

وأضافت: الموسيقى دي بتعيش الناس في مود تاني والاختلاف مطلوب وأنت مختلف أنا مكنتش بستحمل أوي الهجوم وكنت لسه صغيرة ومعنديش خبرة وبتعلم مع نفسي، ولكن اكتشفت إن الناس مش هي اللي بتهاجمك لكن فيه ناس شغلتهم الهجوم مش ضروري يكونوا فنانين ولا جمهور، ولكن حمو إنسان ناضج وهو سند لعيلته ومش عايز حد يهز السند ده.

وتابعت الفنانة اللبنانية: أي فنان لما بيركز في شغله بيلاقي إن الشغل هو اللي بيدافع عنك وهو اللي بيجبلك ناس تحبك وتشجعك وتدعمك، حمو أنت بريء ودمه خفيف، أنت موجود عشان تبسط الناس مش لما تطلع تتكلم في مشاكل، الناس بتروح على اللي بيقدم الحلو بس، واتعرضت لهجوم وناس فهمتك غلط وده بيحصل، بس أنت عندك سلاح أقوى من كل ده هي إيرادتك إنك تعمل أغنية حلوة تبسط الناس.

ليرد حمو بيكا على هيفاء وهبي، قائلًا: محتاج أقف قدام جمهوري ويتبسطوا مني ويسمعوا شغلي، وبيقطعوا لقمة عيشي من أي حاجة في مصر.

واستكملت هيفاء وهبي: أستاذ هاني شاكر بحترمه جدًا وأعرف إني بياخد قرارات بالإجماع، وأكيد مش بيمنع الفن الجميل أو أغنية جميلة بلحن حلو ولا يمنع النجاح والرزق عن حد، هو عايز يصلح الواقع حصل فيه شوية فوضى، والمفروض نروح نصلح وجهات النظر عشان نحل المشكلة، وتطالب بفرصة جديدة، وممكن أغني من كلماته، وأنا مع الأغنية الحلوة اللي تعجب الناس.

وسبق أن دافعت هيفاء عن حمو بيكا في شهر أغسطس من العام الماضي، عندما تعرض لهجوم على مواقع التواصل الاجتماعي بسبب حفلاته في الساحل الشمالي، وتم تداول مقطع فيديو للنجمة اللبنانية من حفلها بشاطئ كريستال بالاس بالعلمين الجديدة، وظهرت وهي تبحث عن مطرب المهرجانات حمو بيكا، وقالت أمام الجمهور أنها تشاهد مقاطع الفيديو المنتشرة لبيكا ومن أكبر معجبيه، وطالبتهم بعدم استفزازه بالردود المسيئة أو الساخرة.

عن admin

شاهد أيضاً

غادة عبد الرازق المصرية الوحيدة في جوائز “الموريكس دور”

حصلت الفنانة غادة عبد الرازق على جائزة “الموريكس دور”، في الحفل الذي أُقيم في دبي، …

اترك تعليقاً

لن يتم نشر عنوان بريدك الإلكتروني.