أول ظهور لـ تامر حسني بعد أز *مته الصحية

تامر حسني، طمأن الجمهور على حالته الصحية، بعد الشائعات الأخيرة حول تعرضه لأزمة صحية، وأعلن عن التفاصيل الأولى لفيلمه الجديد مع هنا الزاهد، ونشر الصور الأولى من الفيلم الرومانسي والكوميدي الجديد لهما.

ونشر الفنان تامر حسني اليوم الصور الأولى من كواليس تصوير فيلمه الجديد “بحبك” مع الفنانة هنا الزاهد، وكشف عن التفاصيل الأولى للفيلم وأبطاله، وشوق الجمهور للفيلم قائلاً: “دي صور من أول يومين تصوير لفيلمنا الجديد (بحبك) طبعاً في ناس هتقرا اسم الفيلم بحبِك وناس هتقراه بحبَك، دا طبعاً مقصود عشان في درامة الفيلم هنبحث طول الوقت عن مدى صدق كلمة بحبِك من الرجل للأنثى وبحبَك من الأنثي للرجل في احداث فعلاً محيره جداً.. الفيلم اكيد فيه ضحك بس في إطار رومانسي بحت مش موجود بقاله كتير”.

وتابع تامر حسني:”اتشرفت بمشاركة نجمة اليوم والمستقبل الجميلة هنا الزاهد ومبسوط اني اول من اكتشفها في بداية حياتها وفي الفيلم دا بكتشفها تاني وبقدمها بشكل جديد عليها وعليكم ومبسوط جداً لمشاركة حبيب قلبي نجم الكوميديا الكبير حمدي المرغني اللي هيعمل ان شاء الله شغل رهيب في الفيلم كعادته الجميلة، وللأسف لسه مصورش علشان انزل صوره بس في اول يوم تصوير له ههريه صور”.

وشوق تامر حسني الجمهور للفيلم الجديد وقال: “انتظروا بعد أيام انضمام نجمة جميلة مميزة من نجوم المستقبل اللي هيكون ليها مستقبل كبير ان شاء الله”.

ونشرت أيضاً هنا الزاهد عدة صور من كواليس الفيلم مع تامر حسني وقالت: “ فيلم بحبك، أول مسلسل تقريبا مثلتوا كان مع تامر ودلوقتي بتعامل معاه في الفيلم مش ممثل بس ومخرج الفيلم.. شكرا على كل تفصيلة بتقولهالي كمخرج، وعلى بجد مجهودك اللي بشوفوا قدامي، ان شاء الله يعجبكم و يكرمنا يارب”.

وتعتبر صور فيلم “بحبك”، هي الظهور الأول لتامر حسني بعد أيام من القلق على حالته الصحية، وذلك بعد شائعات إصابته بأزمة صحية خطيرة ونقله للمستشفى، والتي رد عليها بشكل عملي من خلال صوره الجديدة في الفيلم.

عن admin

شاهد أيضاً

ميريام

أنباء عن ديو يجمع ميريام فارس ونيكي ميناج نشرت الفنانة اللبنانية ميريام فارس فيديو تحمّس …

اترك تعليقاً

لن يتم نشر عنوان بريدك الإلكتروني.